Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı İsmayıllı, Ağsu, Göygöl və Tovuz rayonlarının inzibati ərazisində qanunsuz yolla ağac kömürü istehsal edilən kömür quyuları və dəmir soba aşkar olunub.
Ekologiya.az bildirir ki, araşdırma zamanı qanunsuz kömür istehsalı ilə məşğul olan şəxslərin Bakı şəhəri Suraxanı rayon sakini İlqar Rüstəmov, Ağsu rayonu Kalva kənd sakinləri Şamil Hacıyev, Mehman Məcidov, Aqşin Həşimov, Göygöl rayonu Əzgilli həmin kənd sakinləri Şahbaz Əliyev, Azər Məmmədov, Avtandil Verdiyev və Tovuz rayonu Hacı Həsənli kənd sakini Hafiz Rzayev olduğu müəyyən edilib.
Faktlarla bağlı adıçəkilən şəxslər barəsində akt və protokol tərtib edilərək qanunamüvafiq tədbir görülüb, kömür hazırlanma yerləri isə ləğv edilib.
