Sankt-Peterburqda müdafiə müəssisəsinin əməkdaşına qarşı terror aktının qarşısı alınıb.
Milli.Az xəbər verir ki, Rusiya Federal Təhlükəsizlik Xidməti (FSB) tərəfindən yayılan məlumata görə, 2002-ci il təvəllüdlü qız təhlükəsizlik əməkdaşının avtomobilinin altına partlayıcı qurğu yerləşdirərkən saxlanılıb.
FSB bildirir ki, saxlanılan şəxs Ukrayna xüsusi xidmət orqanlarının sifarişi ilə hərəkət edib.
Onun daha əvvəl də qeyri-qanuni fəaliyyətlərlə məşğul olduğu məlum olub - o, Moskva vilayətində ictimai yerlərdə Ukraynanı dəstəkləyən yazılar yazıb və dəmir yolu infrastrukturunu yandırmağa cəhd edib.
Saxlanılan şəxs barəsində terror aktına cəhd maddəsi ilə cinayət işi açılıb, araşdırma aparılır.
Fidan
Milli.Az
Məqaləyə dair fotomateriallar:
.png)
