BAKI, 9 iyul. TELEQRAF
Ermənistanın hazırkı baş naziri Nikol Paşinyana etimadsızlıq səsverməsi mümkündür.
Teleqraf xəbər verir ki, bunu Ermənistan Milli Assambleyasının (MM) deputatı Hayk Mamicanyan deyib.
"Hazırda vətənpərvərlərin yeganə çıxış yolu ölkəmizi, inancımızı, kilsəmizi və ölkənin maraqlarını mübarizə və müdafiə etməkdir", - siyasətçi bildirib.
H.Mamicanyan müxalifətin Paşinyana etimadsızlıq səsverməsi proseduruna başlamasına münasibət bildirib və Ermənistan parlamentində “Mülki müqavilə” fraksiyasının böyük əksəriyyət təşkil etməsinə baxmayaraq, baş nazirin istefasını mümkün adlandırıb. Deputat payızda keçiriləcək qurultayı ərəfəsində hakim partiyada kütləvi narazılığa yol açacağını istisna etməyib.
“İnanıram ki, ictimai təzyiqlə etimadsızlıq səsverməsi üçün lazım olan səsləri almaq mümkün olacaq”, - deyə deputat yekunlaşdırıb.
Mayın 6-da Ermənistan müxalifəti Paşinyana etimadsızlıq səsverməsi proseduruna başlamağa hazır olduğunu bəyan edib. Mamicanyan baş nazir postuna mümkün namizəd kimi keçmiş prezident Robert Köçəryanın adını çəkib.
