Rusiya hərbçiləri ötən həftə Donetsk Xalq Respublikasının Çasov Yarında irəliləyiblər.
Turkustan.az xəbər verir ki, hərbi ekspert Andrey Maroçkonun TASS-a verdiyi məlumata görə, rus qırıcıları demək olar ki, bütün Çasov Yarına nəzarət edir və şəhərin yalnız bir rayonu Şevçenkivski Ukrayna Silahlı Qüvvələrinin nəzarəti altında qalır.
"Ötən həftə qoşunlarımız Çasovıy Yarda taktiki vəziyyəti yaxşılaşdırıblar. Mahiyyət etibarı ilə düşməndə hələ də Şevçenkivski rayonu var. Ümumiyyətlə, qəsəbənin böyük hissəsi artıq Rusiya ordusunun nəzarətindədir".
Hərbi ekspert qeyd edib ki, Çasovıy Yardakı Ukrayna Silahlı Qüvvələri qrupunun sayı təxminən eyni səviyyədə qalır, lakin Ukraynalı döyüşçülərin keyfiyyəti xeyli aşağı düşüb.
"Bütün az-çox hazırlanmış qüvvələr və ehtiyatlar Çasovıy Yardan Sumı istiqamətinə göndərilib", - Maroçko qeyd edib.
Aytən Yaşar/ Turkustan.az
