Çevik Dəstək Qüvvələri (RSF) Sudan hökumətinə məxsus türk "Bayraktar Akıncı" PUA-nı vurub.
"Unikal" xəbər verir ki, bu, Sudanda davam edən vətəndaş müharibəsi ərəfəsində ağır "Bayraktar Akıncı" pilotsuz uçuş aparatının bilinən ilk təsdiqlənmiş itkisidir.
Mənbələrin məlumatına görə, pilotsuz təyyarə Şimali Darfur əyalətində yerləşən El Faşer şəhəri yaxınlığında vurulub. İnsidentə görə məsuliyyəti hökumət qüvvələrinə qarşı döyüşən Çevik Dəstək Qüvvələri (RSF) üzərinə götürüb.
“Akıncı” Türkiyənin “Baykar” şirkətinin istehsalı olan ağır kəşfiyyat və hücum pilotsuz təyyarəsidir. O, müxtəlif silahları, o cümlədən idarə olunan raketləri daşımağa qadirdir və yer hədəflərini vurmaq, kəşfiyyat aparmaq və artilleriya atəşini düzəltmək üçün istifadə olunur.
PUA-nın məhv edilməsinin dəqiq şərtləri ilə bağlı məlumatlar hələ də məhduddur.
