Mahir Emrelinin "Kayzerslautern"in heyətində "Notts Kaunti"yə qarşı keçirilən yoxlama matçında (4:0) zədələndiyini xəbər vermişdik. Təbii ki, belədə həmyerlimizin komandasının Cənubi Tirolun Sterzin-Ratşinq bölgəsində baş tutacaq təlim-məşq toplanışına qatılıb-qatılmayacağı maraq doğurur.
"Football-plus.az" bu məsələni araşdırıb. Məlum olub ki, 28 yaşlı hücumçu bu gün səhər saatlarında komanda ilə birgə Cənubi Tirola yollanıb. Onun adı təlim-məşq toplanışı üçün hazırlanan 27 futbolçudan ibarət siyahıda yer alıb.
Xatırladaq ki, "qırmızı iblislər" növbəti yoxlama matçını iyulun 19-da İtaliyanın "Cenoa"sı ilə keçirəcək. Matç Moena şəhərindəki "Kampo Sportivo Karlo Benatti" stadionunda keçiriləcək. Mahirin həmin günə qədər tam bərpa olacağı gözlənilir.
KƏNAN BAHADIR
- Ночной Режим
- Домашняя страница
- Статистика
- Источники
- Рейтинг
- Погода
- Валюта
