Kolumbiya prezidenti Qustavo Petro Ukraynaya muzdlu kimi göndərilən vətəndaşları ilə bağlı narahatlığını ifadə edib.
Doğru.az xəbər verir ki, Petro bu barədə “X” sosial şəbəkəsində paylaşım edib. O bildirib ki, Kolumbiya dövlətinin müdafiə məqsədilə kadr hazırlığına ayırdığı vəsait nəticədə Kolumbiya xalqının iştirak etmək istəmədiyi xarici silahlı münaqişələrə yönəlir.
“Muzdlu iş bir ölkəni qarət etməyin bir yoludur”, – deyə prezident qeyd edib.
Qeyd edək ki, bundan əvvəl Rusiyanın Boqotadakı səfiri Nikolay Tavdumadze bəyan etmişdi: Ukrayna Silahlı Qüvvələrinin tərkibində xidmət edən kolumbiyalı muzdluların sayı hələ də yüksək olaraq qalır.
DOĞRU.AZ
