Kişineu, 23 iyul, AZƏRTAC
UEFA Konfrans Liqasının II təsnifat mərhələsinin ilk oyunu çərçivəsində "Petrokub"la qarşılaşacaq "Sabah" artıq Moldovadadır.
Moldova Azərbaycanlıları Konqrersindən AZƏRTAC-a bildiriblər ki, ilk oyunda soydaşlarımızdan təmsilçimizə böyük dəstək olacaq. Artıq 200-dən çox azərbaycanlının “Sabah”a dəstək olmaq üçün oyuna gedəcəyi dəqiqləşib. Matçın keçiriləcəyi stadionun tribunalarında Azərbaycan bayraqları dalğalandırılacaq, xüsusi şüarlar səsləndiriləcək.
Qeyd edək ki, iyulun 24-də Kişineu şəhərində yerləşən "Zimbru" stadionunda keçiriləcək "Petrokub" - "Sabah” qarşılaşması Bakı vaxtı ilə saat 21:00-da başlayacaq.
Emil Hüseynli
AZƏRTAC-ın xüsusi müxbiri
Kişineu
