ABŞ-ın keçmiş prezidenti Co Bayden öz xatirələrinin kommersiya nəşri hüququnu 10 milyon dollara satıb.
Publika.az xəbər verir ki, bu barədə “The Wall Street Journal” insayderlərə istinadən yazıb.
Jurnalistlərin məlumatına görə, alıcı Amerikanın “Creative Artists Agency” şirkəti vasitəsilə Fransanın “Hachette” nəşriyyatı olub.
WSJ-nin qeyd etdiyi kimi, Co Bayden yaradıcılıq haqqını əvvəlcədən alıb. ABŞ-ın 46-cı prezidentinin həyat xronikası tamamlandıqdan sonra oxuculara təqdim olunacaq – dəqiq tarixlər hələ məlum deyil, çünki Ağ Evin keçmiş sahibi öz tərcümeyi-halını hələ yazmayıb.
