İnsan Haqları və Azadlıqları (İHH) Humanitar Yardım Vəqfi vətəndaş müharibəsi səbəbindən ölkəsini tərk edərək Liviyaya gələn sudanlı qaçqınlara paltar və ədyal paylayıb.
Paytaxt Tripolidə, İHH-nin əməkdaşlıq etdiyi tərəfdaş təşkilatın qərargahında paylama baş tutub.

Paylanmanı koordinasiya etmək üçün Liviyaya gələn İHH rəsmisi Akif Yasin Bahçeci Anadolu Agentliyinin (AA) müxbirinə verdiyi açıqlamada 15 konteyner ədyal, geyim, ayaqqabı və oyuncaqdan ibarət yardımın ötən həftə Misrata limanına, oradan da Tripoliyə çatdığını bildirib.


Sudandakı vətəndaş müharibəsi səbəbiylə çoxlu sayda sudanlı miqrantın ölkələrini tərk edərək qonşu ölkələrə sığındığını qeyd edən Bahçeci, "Liviyada da çoxlu sudanlı qaçqın var və bu gün bu yardımı sudanlı qaçqınlara paylayırıq" dedi.

Sudanın Tripolidəki səfiri İbrahim Məhəmməd Əhmədin də yardım paylanmasında iştirak etdiyini bildirən Bahçeci, Liviyanın müxtəlif bölgələrinə yayılmış 150 mindən çox sudanlı miqrantın olduğunu bildirdi.

"Sudan səfiri ilə görüşümüz zamanı fondumuzun humanitar yardım fəaliyyətini müzakirə etdik, həmçinin Liviyadakı sudanlı miqrant və qaçqın ailələri üçün mövcud vəziyyət, ehtiyaclar və potensial yardımlar haqqında fikir mübadiləsi apardıq" dedi. O qeyd edib ki, yardım qonşu Afrika ölkələrindən Liviyaya gələn qaçqınlara da paylanacaq.

aia.az
Tərcümə şöbəsi

• Yardım
• Geyim
• Liviyə
• İhh
• Sudanlı Qaçqınlar
• Ədyal