Uşaq Cərrahiyyəsi Mütəxəssisi Op. Doktor Şamil Əmircanov sünnətlə bağlı mühüm açıqlama verib.
Busaat.az xəbər verir ki, Doktor Əmircanov bildirib ki, sünnət ailənin istəyi ilə və ya əsas şərtlərə görə həyata keçirilə bilər.
Həkimin sözlərinə görə, bir yaşa qədər uşaqların cinsiyyət orqanının anatomiyası hələ tam formalaşmadığı üçün bu yaşda edilən sünnətlər gələcəkdə müəyyən problemlər yarada bilər. Təkrar əməliyyat lazım ola bilər. Ona görə də 1 yaşdan sonrakı dövrdə sünnət edilməsi daha uyğundur.
Doktor Əmircanov ailələrin ümumiyyətlə yay fəslinə üstünlük verdiyini qeyd edərək, bu üstünlükün dərsdən sonra daha asan sağalma dövrü ilə bağlı olduğunu izah edib.
