Bizimyol saytından verilən məlumata görə, ain.az xəbər verir.
Koreya Xalq Demokratik Respublikası (KXDR) Seulun siyasətində hər hansı əsaslı dəyişiklik görmədiyi üçün yeni prezident Li Çje Myonun zahirən barışdırıcı addımlarına baxmayaraq, Cənubi Koreya ilə danışıqlar aparmaq niyyətində deyil.
Bizimyol.info xəbər verir ki, bu barədə Koreya Mərkəzi Xəbər Agentliyi tərəfindən yayılan KXDR lideri Kim Çen Inın bacısı, Koreya Fəhlə Partiyası Mərkəzi Komitəsinin departament rəhbərinin müavini Kim Yo Conq mətbuata açıqlamasında bildirib.
Orada qeyd edilir ki, yeni prezidentin dövründə Seul “səsgücləndiricilər vasitəsilə KXDR əleyhinə təbliğat yayımını dayandırmağa, vərəqələrin paylanmasını dayandırmağa razılaşıb və ayrı-ayrı turistlərin Koreya Respublikasından KXDR-ə çıxışına icazə verib”.
Bəyanatda deyilir ki, Cənubi Koreyanın nümayəndələri də “sərtliyə sərt cavab vermək” dövrünə son qoymaq və “mehribanlığa yaxşılıqla cavab vermək” dövrünə, barışıq və yardım erasına başlamaq zərurətindən danışmağa başlayıblar.
Bununla belə, bəyanata görə, KXDR belə qənaətə gəlib ki, bütün bunlar KXDR-i “udmaqla birləşməyə meyilli” Cənubi Koreyanın “hökmdarının iştahını” dəyişmir. “Əslində onun ABŞ-la müttəfiqliyə kor-koranə inanması və qarşıdurma siyasəti sələfinin siyasətindən heç də fərqlənmir”, - deyə sənəddə qeyd olunur.
“KXDR Seulun siyasi tədbirləri və təklifləri ilə maraqlanmır, bizim danışıqlar masası arxasında müzakirə edəcəyimiz heç nə yoxdur. KXDR ilə Koreya Respublikası arasında münasibətlər soydaşları arasında münasibətlər anlayışından tamamilə kənara çıxıb", - deyə qeyd edilən bu bəyanatın "KXDR-in rəsmi mövqeyi" olduğu bildirilir.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
