Kreml Rusiyadakı erməni diasporu və Ermənistandakı rusiyapərəst müxalifət vasitəsilə mümkün vasitələrlə Güney Qafqazdakı siyasətini əvvəlki məcrasına qaytarmağa çalışır.
Moskva Dövlət Universitetinin Asiya və Afrika İnstitutunun direktoru, professor Aleksey Maslov Ümumerməni Diplomatlar Şurası təşkilatı ilə anlaşma memorandumu imzalayıb.
Moderator.az xəbər verir ki, bu haqda tert.am məlumat yayıb.
Erməni tərəfdən sənədi təşkilatın həmtəsisçisi, Ermənistanın keçmiş xarici işlər naziri Ara Ayvazyan imzalayıb.
Növbəti tədris ilində tərəflər Rusiya-Ermənistan-Gürcüstan-İran dəyirmi masası keçirməyi, birgə analitik hesabat hazırlamağı, bir sıra birgə elmi tədbirlər təşkil etməyi planlaşdırırlar.
