Rusiya mühəndisləri avadanlığın çatdırılması və döyüş başlıqlarının atılması üçün nəzərdə tutulmuş “MiS-150” ağır pilotsuz uçuş aparatı yaradıblar. Qurğu Ukraynanın “Baba-yaqa” pilotsuz təyyarəsinin yerli analoqudur.
Herbiand.az bildirir ki, bu barədə “MiS” konstruktor bürosu məlumat yayıb.
““MiS-150” artan yük qabiliyyətinə malikdir - 15 kq-a qədər. Hazırda cihazın uçuş sınaqları davam edir. Planlaşdırılan əməliyyat məsafəsi 12 km-dir, yəni o, artıq Ukraynanın “Baba-yaqa”sının tamhüquqlu analoqudur - eyni xüsusiyyətlərə və məsafəyə malikdir”, - təşkilatın rəsmi nümayəndəsi TASS-a söyləyib.
Bundan əlavə, qurğu “Bələdçi” sistemi ilə təchiz olunub ki, bu da avadanlığı elektron müharibə sistemlərinin əhatə dairəsindən kənara çıxarmağa imkan verir. Yeni ağır PUA cəbhə xəttindəki hərbi qulluqçulara əlavə komponentlərin quraşdırılması xərclərini əhəmiyyətli dərəcədə azaltmağa imkan verir.
Bəxtiyar CƏFƏRLİ
