Bu ilin yanvar-iyun aylarında ölkədən 35,5 milyon ABŞ dolları dəyərində 50,6 min tondan çox alma ixrac edilib.
Operativ Media xəbər verir ki, bu barədə Dövlət Gömrük Komitəsi məlumat verib.
Bildirilib ki, 2024-cü ilin müvafiq dövrünün göstəriciləri ilə müqayisədə dəyər ifadəsində 56,2 faiz və ya 12,8 milyon dollar, həcm baxımından isə 48,2 faiz və ya 16,4 min ton çoxdur.
Cari ilin ilk altı ayında almanın ümumi ixracda xüsusi çəkisi 0,28 faizə, qeyri-neft məhsullarının ixracında çəkisi isə 2,03 faizə bərabər olub.
