Bu gün UEFA Avropa Konfrans Liqasının 2025/2026 mövsümünün II təsnifat mərhələsinin cavab görüşləri keçirilir.
“Qafqazinfo” xəbər verir ki, Azərbaycanın turnirdəki daha bir təmsilçisi “Araz-Naxçıvan” Kiprdə “Aris”in qonağıdır.
Qeyd edək ki, tarixində ilk dəfə avrokubok həyəcanı yaşayan “Araz-Naxçıvan” “Dalğa Arena”da keçirilən ilk görüşdə rəqibinə 2:1 hesabı ilə qalib gəlib.
***
11-ci dəqiqədə “Araz Naxçıvan” hesabı açıb. Çarles Boli adını tabloya yazdırıb.
***
Felipe Santos 30-cu dəqiqədə penaltidən hesabı 2:0 edir.
***
İlk hissə “Araz-Naxçıvan”nın 2:0 hesablı üstünlüyü ilə başa çatdı.
***
İkinci hissə başladı.
***
52-ci dəqiqədə İqor Riberio qırmızı vərəqə alaraq meydandan uzaqlaşdırılır. Təmsilçimiz azlıqda qalır.
***
62-ci dəqiqədə meydan sahibləri hesab arasındakı fərqi azaldır - 1:2. Fabiano fərqlənir.
***
90-cı dəqiqədə Monçunun vurduğu qolla “Aris” hesabı bərabərləşdirir.
***
Qarşılaşma 2:2 hesabı ilə başa çatdı. İki oyunun nəticəsinə görə “Araz-Naxçıvan” növbəti mərhələyə adlayır.
