Ukrayna Prezidenti Vladimir Zelenski Rusiya Prezidenti Vladimir Putini şəxsi görüşə çağırıb. O, bu barədə 1 avqust 2025-ci il tarixində yayımladığı bəyanatında bildirib.
Zelenski qeyd edib ki, Ukrayna sülh danışıqlarına və liderlər səviyyəsində görüşə “istənilən vaxt” hazırdır:
“Əgər Rusiya sülh istəyirsə və müharibəni dayandırmaq niyyətindədirsə, biz birbaşa liderlər səviyyəsində dialoqa hazırıq”, – deyə dövlət başçısı vurğulayıb.
Lakin Kreml bu təklifə mənfi cavab verib. Rusiya Prezidentinin mətbuat katibi Dmitri Peskov bildirib ki, Putinlə Zelenskinin görüşü yalnız ekspertlər səviyyəsində ilkin razılaşmalardan sonra mümkündür:
“Prezidentlərin birbaşa görüşü yalnız tərəflər arasında sənədlər üzrə ilkin razılaşma əldə olunduqdan sonra gündəmə gələ bilər.”
Xatırladaq ki, daha əvvəl – may ayında İstanbulda Ukrayna və Rusiya nümayəndə heyətləri arasında danışıqlar keçirilmiş, lakin bu danışıqlarda liderlər iştirak etməmişdi. Həmin görüşlərdə əsasən əsir mübadiləsi məsələləri müzakirə olunmuşdu.
//Samir Qurbanov, Editor.az
