Konkret.az portalından əldə olunan məlumata əsasən, ain.az xəbər verir.
“ABŞ-ın Rusiyaya qarşı tətbiq etdiyi yeni sanksiyalar paketi Moskvanın iqtisadi və texnoloji imkanlarını daha da məhdudlaşdırmağı hədəfləyir”.
Bu barədə KONKRET.az-a açıqlamasında politoloq Züriyyə Qarayeva bildirib.
Züriyyə Qarayeva
Onun sözlərinə görə, sanksiyalar əsasən Rusiya müdafiə sənayesi, enerji sektoru və maliyyə qurumlarını əhatə edir:
“Bu addımlar Rusiyanın hərbi potensialını zəiflətmək və müharibə maşınını dayandırmaq baxımından ciddi təzyiq vasitəsidir. Texnoloji avadanlıqlara və xarici maliyyə axınlarına çıxışın məhdudlaşdırılması isə Kreml üçün uzunmüddətli strateji çətinliklər yarada bilər”.
Politoloq əlavə edib ki, sanksiyaların qısa müddətdə atəşkəsə səbəb olacağı real görünmür:
“Vladimir Putin bu mərhələdə geri çəkilməyə meyilli deyil. Rusiya iqtisadiyyatı indiyə qədərki təzyiqlərə müəyyən qədər uyğunlaşa bilib. Lakin zamanla daxili narazılığın artması və iqtisadi təcridin dərinləşməsi Kremlin danışıqlarda daha açıq mövqe nümayiş etdirməsinə yol aça bilər”.
Qeyd edək ki, yeni sanksiyalar paketi Rusiyanın hərbi texnologiyalar və maliyyə resurslarına çıxışını məhdudlaşdırmaqla yanaşı, müttəfiq şirkət və ölkələri də hədəf alır.
Müşviq Tofiqoğlu
KONKRET.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
