Çeçenistan rəhbəri Ramzan Kadırov respublikanın Təhlükəsizlik Şurasının katibi postunu tutan oğlu Adama bilyard oyununda uduzub və qisas alacağına söz verib.
Publika.az xəbər verir ki, bu barədə siyasətçi özünün "VKontakte" səhifəsində yazıb.
Kadırov gəncliyində bilyard sevdiyini və yaxşı oynadığını, lakin uzun müddətdir ki, əlində bilyarda ağacı tutmadığını bildirib. O, Adamla oyunu canlı və çox dinamik adlandırıb, oğlu inamlı və bacarıqlı oyun nümayiş etdirib.
"Bu dəfə mən daha gənc və açıq-aşkar hazırlıqlı rəqibə təslim oldum. Adamla oynamaq həqiqətən maraqlıdır - burada həyəcan, rəqabət və idman ruhu var", - Çeçenistan rəhbəri qeyd edib.
O əlavə edib ki, onun digər oğlu, respublikanın bədən tərbiyəsi və idman naziri Axmat Kadırovla şahmat duelində olduğu kimi, mütləq revanş olacaq. Çeçenistan rəhbəri onu həftənin əvvəlində şahmat üzrə yoldaşlıq görüşündə məğlub edib.
