Tərtərdə 4 Bərdə sakini kanala düşüb biri xilas edilib.
“Qafqazinfo”nun əldə etdiyi məlumata görə, hadisə rayonun Cəmilli kəndi ərazisində baş verib.
İlkin məlumata görə, onlar Suqovuşandan çəkilən yeni beton kanala çimmək üçün atılıb daha sonra batıblar.
Kənd sakinləri bir nəfəri xilas edərək təcili yardım maşını ilə rayon xəstəxanasına göndərib. Onun Bərdə rayon Körpüqıran kənd sakini 1976-cı il təvəllüdlü Zamanov Asim Məhəmməd oğlu olduğu qeyd edilir.
Digər bir nəfərin də meyiti kanalın rayonun Borsunlu kəndi ərazisindən keçən hissəsindən çıxarılıb.
Faktla bağlı araşdırma başlanıb meytin kimliyi araşdırılır.
***
Tərtərdə kanalda batan Bərdə sakinlərindən üç nəfəri FHN-nin əməkdaşları kanaldan çıxararaq xilas edib.
Ziya Əmirxanlı
