Azpolitika.az saytından alınan məlumatlara görə, ain.az xəbər verir.
Kiyev Türkiyə Prezidenti Rəcəb Tayyib Ərdoğanın səfərinə hazırlaşır. Bu səfərin əsas mövzusu iki ölkə arasında azad ticarət sazişinin ratifikasiyası ola bilər.
“AzPolitika” xəbər verir ki, bunu RBC-Ukraynaya müsahibəsində Ukraynanın Türkiyədəki səfiri Nəriman Cəlal deyib.
Onun sözlərinə görə, Ərdoğana dəvəti şəxsən Ukrayna Prezidenti Volodimir Zelenski çatdırıb və Türkiyə lideri Kiyevə səfərə hazır olduğunu təsdiqləyib. Lakin Cəlalın qeyd etdiyi kimi, səfərin həyata keçirilməsi mövcud siyasi və təşkilati maneələrə görə ciddi səylər tələb edir.
Səfərin konkret tarixləri hələlik açıqlanmayıb, lakin Ukrayna tərəfi onun yaxın vaxtlarda baş tutacağına ümid edir.
"Bu səfər ciddi səylər tələb edir, çünki onun həyata keçirilməsinə mane olan bir çox məsələlər var", - səfir qeyd edib.
Danışıqların mərkəzi mövzularından birinin azad ticarət sazişinin ratifikasiyası olacağı gözlənilir. Cəlalın sözlərinə görə, sənəd həm Ukrayna-Türkiyə tərəfdaşlığının möhkəmləndirilməsi, həm də ümumilikdə Ukrayna biznesi üçün strateji əhəmiyyət kəsb edir: “Belə bir addımın təkcə praktiki deyil, həm də simvolik əhəmiyyəti olacaq".
“AzPolitika.info”
Ən son xəbərləri və yenilikləri almaq üçün ain.az saytını izləyin.
