«Qarabağ»ın futbolçuları klubun yeni maskotu ilə zarafatlaşıb.
Hadisə «Şelbrun»la Çempionlar Liqasının ikinci təsnifat mərhələsinin cavab matçından (1:0) sonra baş verib.
Belə ki, qələbənin gətirdiyi sevinci bölüşməyə fürsət gəzən Leandro Andrade Mateus Silva ilə diqqət msərkəzinə düşüb.
Kabo-verdeli yarımmüdafiəçi «Kəhər»lə şəkil çəkdirən braziliyalı müdafiəçini sövq edib ki, maskotu arxaya itələsin.
«Sambaçı» komanda yoldaşının işarəsini anlayıb və «Kəhər»i onun arxasında gizlənmiş Leandronun üzərinə yıxıb.
Daha sonra hər iki legioner maskotla qucaqlaşıb və ürəyini alıb.
SPORTİNFO.AZ
