"Portu"nun keçmiş kapitanı Jorje Koşta vəfat edib.
Fanat.Az xəbər verir ki, məlumatı Portuqaliya nəhənginin mətbuat xidməti yayıb.
Məşqçi 54 yaşında dünyasını dəyişib.
Koşta 1990-2005-ci illərdə oynadığı, kapitan olduğu "Portu"nun yetirməsi olub və "əjdahalar"la səkkiz Portuqaliya çempionu titulunu, beş ölkə kubokunu, səkkiz Super Kuboku, Çempionlar Liqasını, UEFA Kubokunu və Qitələrarası Kuboku qazanıb. O, futbolçu karyerasını Belçikanın "Standard" klubunda bitirib.
Koşta "CFR Kluj"un baş məşqçisi kimi 2011/2012 mövsümündə Rumıniya çempionu olub.
