Ajans.az Reuters-ə istinadən xəbər verir ki,ölkə tarixində ən böyük ixrac razılaşmasıdır. Müqaviləyə əsasən, Leviathan 2040-cı ilə qədər Misirə təxminən 130 milyard kubmetr qaz satacaq. Qaz boru kəmərləri vasitəsilə tədarük ediləcək ki, bu da mayeləşdirilmiş qazdan (LNG) daha sərfəlidir. Misir, enerji çatışmazlığını azaltmaq və idxal xərclərini azaltmaq üçün İsrail qazından faydalanacaq. İlk mərhələdə 2026-cı ildən başlayaraq 20 milyard kubmetr qaz tədarük olunacaq, daha sonra ikinci mərhələdə həcmi artırılacaq. NewMed şirkətinin baş direktoru Yossi Abu qeyd edib ki, bu müqavilə Misir iqtisadiyyatına milyardlarla dollar qənaət təmin edəcək və bölgədə təbii qaz ixracını artıracaq. Leviathan yatağının genişləndirilməsi 2064-cü ilə qədər regionda qaz istehsalı və tədarükünü davam etdirməyə imkan verəcək. İsrail qazı artıq Misirin tələbatının 15-20%-ni ödəyir və müqavilə bölgədə enerji əməkdaşlığını gücləndirəcək. Müqavilədə Leviathan-ın 45%-nə sahib NewMed, 15%-ni Ratio, 40%-ni isə Chevron şirkəti idarə edir.
