Azertag portalından verilən məlumata görə, ain.az xəbər yayır.
Bakı, 7 avqust, AZƏRTAC
İqtisadiyyat Nazirliyi yanında Əmlak Məsələləri Dövlət Xidməti tərəfindən keçirilən hərracda 1 müəssisə və 12 nəqliyyat vasitəsi özəlləşdirilib.
AZƏRTAC Əmlak Məsələləri Dövlət Xidmətinə istinadla xəbər verir ki, hərraca çıxarılan nəqliyyat vasitələrinə ümumilikdə 35 sifariş qəbul edilib. Bunlardan 12-si onlayn qaydada həyata keçirilib.
Hərracda özəlləşdirilən müəssisə - əvvəllər kərpic zavodu kimi fəaliyyət göstərmiş obyekt Şəki rayonunun Daşüz kəndində yerləşir. Sahəsi 14 min 900 kvadratmetr, torpaq sahəsi 85 min 368 kvadratmetr olan əmlak 1 milyon manata satılıb.
Hərracda satılan dövlət əmlakının siyahısı ilə https://shorturl.at/NyeTm linki vasitəsilə tanış olmaq mümkündür.
Məlumata əsasən, bu ay ərzində növbəti hərraclar avqustun 12-si və 19-da keçiriləcək. Hərraca çıxarılan əmlak siyahısı ilə https://shorturl.at/coCpP linki vasitəsilə tanış olmaq mümkündür.
Hərraclarda iştirak etmək istəyən şəxslər www.emlak.gov.az və www.auksion.gov.az internet səhifələri vasitəsilə hərraca çıxarılan əmlak üzrə seçim edə bilərlər.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
