Çinin Beyhay şəhərində elektrik avtomobili asta sürətlə hərəkət edərkən ildırım zərbəsinə məruz qalıb.
Kadrlar TVBS NEWS kanalında nümayiş olunub.
Elektromobilin damına ard-arda üç dəfə ildırım düşüb. Lakin həm sürücü, həm də onun avtomobilinə heç bir zərər dəyməyib.
Hadisə başqa bir avtomobilin kamerası tərəfindən lentə alınıb.
Məlumata görə, insidentdən dərhal sonra texniki işçilər avtomobilə baxış keçirib və onun əsas hissələrinin zədələnmədiyi qənaətinə gəliblər. Heç bir qısaqapanma əlamətləri aşkar edilməyib.
Oxu.az
Tarix: 10 Avqust 2025, 09:55
