BAKI, 11 avqust. TELEQRAF
Dağıstanda güclü leysan yağışların yaratdığı fəsadlara görə yüksək hazırlıq rejimi tətbiq edilib.
Teleqraf xəbər verir ki, bu barədə regionun Fövqəladə Hallar Nazirliyinin Baş İdarəsi məlumat yayıb.
Yüksək hazırlıq rejimi doqquz rayonda, həmçinin İzberbaş şəhərində qüvvəyə minib.
Sosial şəbəkələrdə sakinlər pis hava şəraitinin görüntülərini paylaşırlar. Mahaçqalada bir sıra küçələri su basıb, bu səbəbdən şəhərdə avtomobillərin hərəkəti çətinləşib. Untsukul rayonunun Vremennıy qəsəbəsində yollar su axınları səbəbindən çaylara çevrilib, Qunib rayonunda isə dolu yağıb.
