2025/2026 mövsümü üçün transfer çalışmalarını davam etdirən "Sumqayıt" daha bir futbolçunun keçidini həll edib.
Moderator.az Sport24.az-a istinadən xəbər verir ki, "gənclik şəhəri"nin təmsilçisi son olaraq Türkiyə klubu "Sivasspor"da çıxış etmiş Samba Kamara ilə anlaşıb.
Malidən olan 32 yaşlı müdafiəçi "Sumqayıt"a azad agent kimi keçir. Transfer tezliklə rəsmən açıqlanacaq.
Qeyd edək ki, 2020-ci ildən "Sivasspor"da çıxış edən oyunçu komanda Superliqadan aşağı diviziona düşdüyü üçün müqaviləsini yeniləməyib.
