ain.az bildirir, 525.az saytına əsaslanaraq.
Sudanda Çevik Reaksiya Qüvvələrinin (ÇRQ) üsyançıları Şimali Darfur əyalətinin paytaxtı El-Faşerdə köçkünlər üçün düşərgəyə hücum edərək 40-dan çox dinc sakini öldürüb.
525.az xəbər verir ki, bu barədə “Sinxua” agentliyi məlumat yayıb.
Əbu-Şuk düşərgəsinə hücum zamanı insanlar güllələnərək öldürülüb, hətta edam ediliblər. Məlumata görə, daha 19 nəfər yaralanıb. Yerli sakinlər bildiriblər ki, üsyançılar düşərgəni intensiv atəşə tutublar.
Avqustun əvvəlində ÇRQ üsyançıları El-Faşer ətrafındakı Karni kəndində 14 dinc sakini öldürüb, onlarla insanı yaralayıb.
Sudanda üsyançı qrup ilə nizami ordu arasında vətəndaş müharibəsi 2023-cü ilin aprelində başlayıb. Əl-Faşer şəhəri yaxınlığında Sudanda ən böyük qaçqın və köçkün düşərgələri - Zəmzəm və Əbu-Şuk yerləşir. Hər iki düşərgə mütəmadi olaraq atəşə tutulur və yerli əhali ərzaq çatışmazlığından əziyyət çəkir.
Pərvanə Sultanova
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
