ABŞ-nin nüfuzlu ali təhsil müəssisələrindən biri olan Prinston Universiteti tələbələr üçün yeni maliyyə dəstəyi proqramı elan edib. Proqram çərçivəsində illik ailə gəliri 150 min ABŞ dollarına qədər olan tələbələrin təhsil haqqı tamamilə universitet tərəfindən qarşılanacaq.
AzEdu.az-ın xarici mənbədən aldığı məlumata əsasən bu təşəbbüs üçün universitet 327 milyon dollarlıq maliyyə paketi ayırıb. Rəhbərlik bildirib ki, məqsəd istedadlı, lakin maddi imkanı məhdud olan gənclərə dünya səviyyəli təhsil imkanı yaratmaqdır.
Ekspertlər hesab edir ki, bu addım minlərlə tələbənin ABŞ-də təhsil alma arzusunu gerçəyə çevirəcək və digər universitetlər üçün də nümunə olacaq.
