Avqustun 12-də “Eagle Partner-2025” erməni-amerikan birgə təlimlərinə start verilib.
Açılış mərasimində Ermənistan Respublikası müdafiə nazirinin birinci müavini, Silahlı Qüvvələrin Baş Qərargah rəisi, general-leytenant Edvard Asryan, ABŞ-ın Ermənistandakı fövqəladə və səlahiyyətli səfiri Kristina Kvien, yüksək rütbəli hərbçilər və qonaqlar iştirak ediblər.
Təlimlərdə iştirak edən hərbçiləri Silahlı Qüvvələrin Baş Qərargah rəisi, general-leytenant Edvard Asryan və ABŞ-ın Ermənistandakı fövqəladə və səlahiyyətli səfiri Kristina Kvien qarşılayıblar.
Xatırlatmaq istərdik ki, beynəlxalq sülhməramlı missiyalarda iştiraka hazırlıq çərçivəsində avqustun 12-dən 20-dək Ermənistan Respublikasında “Eagle Partner-2025” birgə erməni-amerikan təlimləri keçirilir.
Təlimdə ER Silahlı Qüvvələrinin Sülhməramlı Briqadası, ABŞ ordusunun Avropa və Afrika və Kanzas Milli Qvardiyasının hərbçiləri iştirak edir.
Təlimin əsas məqsədləri bunlardır:
- Sülhməramlı əməliyyatlar çərçivəsində beynəlxalq sülhməramlı missiyalarda iştirak edən bölmələr arasında qarşılıqlı fəaliyyət səviyyəsinin artırılması,- İdarəetmə və taktiki ünsiyyətdə ən yaxşı təcrübələrin mübadiləsi,- Ermənistan Silahlı Qüvvələrinin sülhməramlı bölməsinin hazırlığının gücləndirilməsi.
Təlim həmçinin tibbi evakuasiya prosedurlarına diqqət yetirməklə sülhməramlı tapşırıqların hazırlanmasını və icrasını da əhatə edir.
