Ukrayna prezidenti Volodimir Zelenski Ukrayna Silahlı Qüvvələrinin sutka ərzində verdiyi itkiləri açıqlayıb.
Ucnoqta.az xəbər verir ki, Prezidentin sözlərinə görə, cəbhədəki itkilərin nisbəti təxminən 1:3 Kiyevin xeyrinədir.
Məsələn, avqustun 11-də Rusiya Silahlı Qüvvələri təxminən 1000 hərbçini itirdi - 531 işğalçı məhv edildi, 428 yaralı və 9 əsir götürüldü. Ukrayna Müdafiə Qüvvələrinin son sutka ərzində itkiləri 340 nəfər təşkil edib - 18 nəfər ölüb, 243 nəfər yaralanıb, 79 nəfər itkin düşüb.
Məhv edilmiş artilleriya sistemlərinə gəlincə, Rusiya tərəfinin üstünlüyü 1:2,4, FPV dronları isə Kiyevin xeyrinə 1:1,4 təşkil edir.
