Türkiyənin əhalisi 1 iyul 2025-ci il tarixinə 85 milyon 824 min 854 nəfərə çatıb. Türkiyə Statistika Təşkilatının (TÜİK) açıqladığı birinci rüblük əhali statistikasına görə, bu ilin ilk altı ayında əhalinin sayı 2024-cü ilin sonundakı 85 milyon 664 min 944 nəfərdən 159 min 910 nəfər artıb.
Hafta.az-ın yazdığına görə, kişilər əhalinin 50,01 faizini təşkil edərək 42 milyon 923 min 584 nəfərə, qadınların sayı (49,99 faiz) 42 milyon 901 min 270 nəfərə çatıb. Bu bölgü Türkiyədə təxminən bərabər gender nisbətini nümayiş etdirir. TÜİK-in yeni rüblük əhali məlumatları il ərzindəki dəyişiklikləri daha yaxından izləmək imkanı yaradır. Bu, əhalinin artım templərində, miqrasiya modellərində və demoqrafik strukturda mövsümi dəyişiklikləri daha ətraflı təhlil etməyə imkan verir.
Məlumatların birinci yarısı Türkiyə əhalisinin sabit artımını göstərir. Doğum nisbətləri, miqrasiya nümunələri və gözlənilən ömür uzunluğunun artması bu artımın əsas amillərindəndir.
Prezident Rəcəb Tayyib Ərdoğan may ayında etdiyi açıqlamalarda əhalinin yaşlanması və azalması ilə bağlı məlumatlara istinad edərək, "Qarşılaşdığımız bu vəziyyət sadəcə statistika deyil, bizi hərəkətə keçməyə çağıran açıq xəbərdarlıqdır. Bu anlayışla biz ən azı üç uşaq siyasəti ilə bağlı çağırışımıza uyğun olaraq əhalimizi artıracaq, evliliyi təşviq edəcək və uşaq dünyaya gətirəcək mühüm siyasətlər həyata keçirəcəyik".
Xatırladaq ki, 2026-2035-ci illər türkiyədə Ailə və Əhali Onilliyi elan edilib.
