Ajans.az CNN-ə istinadən xəbər verir ki, qarşıdan gələn borc öhdəlikləri çərçivəsində təxminən 500 milyon dollar ödəmək üçün kifayət qədər maliyyə vəsaiti və ya likvidlik mövcud deyil. Bu vəziyyət Kodak-ın gələcək fəaliyyəti ilə bağlı ciddi suallar doğurur. Maliyyə vəziyyətini yaxşılaşdırmaq məqsədilə Kodak pensiya planına ödənişləri dayandırmağı planlaşdırır. Şirkət bildirir ki, ABŞ-da kameralar, mürəkkəblər və filmlər də daxil olmaqla bir çox məhsullarını istehsal etdiyindən, mövcud tariflərin biznesinə ciddi təsir göstərəcəyi gözlənilmir. Kodak-ın baş direktoru Jim Continenza bildirib ki, qeyri-müəyyən iqtisadi şəraitə baxmayaraq, şirkət uzunmüddətli strategiyası istiqamətində müəyyən irəliləyiş əldə edib. Şirkətin sözçüsü CNN-ə açıqlamasında, müddətli kreditin böyük hissəsinin vaxtından əvvəl ödənilməsi və qalan borc və imtiyazlı səhm öhdəliklərinin dəyişdirilməsi, uzadılması və ya yenidən maliyyələşdirilməsi ilə bağlı ümidli olduqlarını vurğulayıb. Xəbərin yayıldığı gün Kodak-ın səhmləri 25%-dən çox ucuzlaşıb. Qeyd edək ki, 2020-ci ildə ABŞ hökumətinin şirkəti əczaçılıq inqrediyentləri istehsalçısına çevirmə təşəbbüsü Kodak-a qısa müddətli yüksəliş gətirmişdi. O zaman şirkətin səhmlərinin qiyməti sürətlə artaraq ticarət sessiyası ərzində 20 dəfə avtomatik ticarət məhdudiyyətini işə salmışdı. Hazırda Kodak kino sənayesi və digər sahələr üçün filmlər və kimyəvi maddələr istehsal etməklə yanaşı, brendini müxtəlif istehlak məhsullarına lisenziyalaşdırmağa davam edir.
