“Görək nə olacaq. Düşünürəm ki, prezident Putin sülhə imza atacaq. Hesab edirəm ki, prezident Zelenski də sülh imzalayacaq”, – o əlavə edib.
Ajans.az xəbər verir ki, Tramp bunu Ağ Evdə jurnalistlərin suallarını cavablandırarkən deyib. 15 avqustda Ankoricdə keçiriləcək sammitdən az sonra Rusiya Prezidenti Vladimir Putin və Ukrayna lideri Volodimir Zelenskinin iştirakı ilə üçtərəfli görüş keçirmək olar. "Sabahkı görüşdə əsas məqsədim növbəti görüşə zəmin yaratmaqdır. Belə bir görüş tezliklə keçirilə bilər. İstərdim ki, üçtərəfli görüş çox tez baş tutsun və Alyaskada keçirilsin", - Tramp Ağ Evdə jurnalistlərə deyib. “Ola bilsin ki, ilk görüş yaxşı keçəcək, amma daha önəmlisi ikinci görüş olacaq. Biz prezident Putin, prezident Zelenski, mən və bəlkə də bir neçə Avropa liderinin iştirakı ilə görüş keçirəcəyik. Bəlkə də yox, hələ dəqiq deyil”, – deyə Ağ Ev rəhbəri vurğulayıb.
