Finss.az - Chevrolet Özbəkistan yeni model təqdim etməyə hazırlaşır.
Rəsmi təqdimat 25 avqust 2025-ci il tarixində baş tutacaq. Yerli nümayəndəlik bildirib ki, avtomobil «yeni güc və lüksü birləşdirir» və «yeni təcrübə, yeni həyat ritmi» təqdim edir.
Yayılan teaserlərdə avtomobil örtüklə gizlədilib, yalnız işıqlarının konturları görünür. Bir teaserdə “tez kunda” yazısı var ki, özbək dilində «tezliklə» deməkdir. İkinci teaser SUV tipli avtomobilin siluetini göstərir.
Siluet və proporsiyalara əsaslanaraq, söhbət Chevrolet Tahoe modelindən gedir. Mümkündür ki, bu Çin istehsalı variant olsun və 2,7 litrlik L3B dörd silindrli mühərrik ilə təchiz edilsin. Bu mühərrik 303 at gücü və 500 Nm fırlanma momenti verir, 10 pilləli avtomatik transmissiya ilə birləşir və SUV-u 100 km/saat sürətə 8,5 saniyəyə çatdırır.
Chevrolet Özbəkistan avtomobil bazarında liderliyini qoruyur. 2025-ci ilin ilk yarısında satışlarda 19,5% azalma müşahidə olunsa da, bazar payı 63% təşkil edib. İkinci yerdə Daewoo gəlir ki, onun payı yalnız 16,9%-dir. Modellər arasında isə lider Cobalt-dır, bu modelə tələbat 6% artıb.
