Dünən axşam Çin, Rusiya, Qazaxıstan, İtaliya və digər ölkələrdən olan 5282 həvəskar akkordeon ifaçısı “Mənim Vətənim” mahnısının melodiyasını birlikdə ifa edən Sincan-Uyğur Muxtar Rayonunun Taçenq şəhərində keçirilən musiqi festivalında kollektiv qarmon yarışında iştirakçıların sayına görə yeni Ginnesin Dünya Rekordları qeydə alınıb.
Hafta.az-ın yazdığına görə, tədbir V Taçenq Beynəlxalq Akkordeon Mədəniyyəti Festivalı çərçivəsində keçirilib.
Qarmon çalmaq sevgisi müxtəlif yaşlarda olan insanları - 5 yaşdan 86 yaşa qədər birləşdirib.
Beynəlxalq Akkordeonçular Konfederasiyasının prezidenti Mirko Patarini kollektiv oyunun iştirakçılarını yeni rekordla təbrik edərək, bunu dünya qarmon mədəniyyətinin inkişafı üçün yeni meyar adlandırıb.
Tədbirdə dirijor kimi çıxış edən Çin Bəstəkarlar və Musiqiçilər İttifaqının qarmon cəmiyyətinin rəhbəri Li Konqun sözlərinə görə, qarmon Taçenq şəhər mədəniyyətinin simvoluna və yerli turizmin “vizit kartı”na çevrilib.
Taçenq, həmçinin Çin, Rusiya, Almaniya, İtaliya və digər ölkələrdə istehsal olunan mindən çox müxtəlif markalı musiqi alətlərini özündə cəmləşdirən akkordeon muzeyinin kolleksiyasına malikdir.
