İranda qızmar hava və illərlə davam edən yanlış su idarəçiliyi nəticəsində paytaxt Tehran ciddi quraqlıq təhlükəsi ilə üz-üzə qalıb.
News24.az xəbər verir ki, 18 milyon əhalisi olan şəhərin iki əsas su anbarındakı suyun səviyyəsi kritik həddə - 10 faizdən aşağı düşüb. Urmiyə gölü isə yox olmaq ərəfəsindədir.
Ekspertlər xəbərdarlıq edirlər ki, göl tamamilə quruyarsa, zəhərli duz fırtınaları, kütləvi heyvan ölümləri və tənəffüs yolu xəstəliklərinin artımı baş verə bilər. Hökumət xalqı qənaət və istehlak idarəçiliyinə çağırıb. Ölkə prezidenti Pezeşkiyan isə xalqı su istifadəsini azaltmağa dəvət edib, əks halda sentyabr və ya oktyabr ayında anbarlarda su tamamilə tükənə bilər.
Xeyrənsə Piriyeva
