Braziliyalı Fabio Lopez rəsmi oyunların sayına görə dünya rekordu qırıb. Bu barədə “CNN Brasil” məlumat yayıb.
Bu gecə “Fluminense” Cənubi Amerika Kubokunun 1/8 finalında “America de Cali”yə qalib gəlib (2:0).
"Fluminense"nin qapıçısı Fabio Lopez üçün bu oyun karyerasında 1391-ci olub. 44 yaşlı braziliyalı Piter Şiltonun müəyyən etdiyi dünya rekordunu qırıb (ingilisli özü 1387 oyun hesablayıb, 1390 isə Ginnesin Rekordlar Kitabındakı rəqəmdir).
“Globo Esporte”-nin qapıçının hazırkı klubu ilə birgə hesablamalarına görə, Fabio “Kruzeyro”da 976, “Fluminense”də 235, “Vasko da Qama” ilə 150, “União Bandeirante” ilə isə 30 oyun keçirib.
“Globo Esporte”nin məlumatına görə, rəsmi oyunların sayına görə üçüncü yeri “Əl-Nəsr” və Portuqaliya millisinin hücumçusu Kriştianu Ronaldo tutur – 1283 oyun.
Fabio üçqat Braziliya çempionudur.
Almaz Həsənli
