Qırğızıstan ABŞ və Böyük Britaniyanın respublikanın "Keremet Bank" və "Kapital Bank Central Asia"ya qarşı sanksiyalarını təzyiq kimi qəbul edir.
Publika.az xəbər verir ki, bunu ölkə prezidenti Sadır Japarov deyib.
O, Qərb liderlərini iqtisadi məsələləri siyasiləşdirməməyə çağırıb. Onun sözlərinə görə, ABŞ və Böyük Britaniya hökumətləri Qırğızıstanın sürətli inkişafına qəsdən mane olur.
"Qərb hamının onlara baxmasına və onlardan asılı olmasına üstünlük verir. Ona görə də mən bu ölkələrin ali rəhbərliyinə, Donald Trampa və Key Starmerə müraciət edərdim. İqtisadiyyatı siyasiləşdirməyə ehtiyac yoxdur", - deyə Japarov bildirib.
