Dünyanın ən yaşlı sakini 116 yaşını qeyd etdi - FOTO

  Rəsmi olaraq Yer kürəsinin ən yaşlı insanı kimi tanınan Böyük Britaniyadan olan Etel Katerhemin 116 yaşı tamam olub.

Referans xəbər verir ki, bu barədə "Sky News" məlumat yayıb.

Nəşrin məlumatına görə, qadın ad günündə mətbuatla ünsiyyətdən imtina edərək, bunu “sakit ailə çevrəsində” keçirməyə üstünlük verəcəyini bildirib.

Katerhem 1909-cu il avqustun 21-də Hempşir qraflığında anadan olub. O, həyat yoldaşını və iki qızını geridə qoyub.

Təqaüdçü mediaya əvvəlki müsahibələrində uzunömürlülüyünün sirrini paylaşmışdı. Onun fikrincə, o, müsbət münasibəti və hər şeydə mülayimlik vərdişi sayəsində belə bir mötəbər yaşa çata bilib.

Katerhem həmçinin ondan nümunə götürmək istəyən hər kəsi yeni imkanlardan imtina etməməyə və onlara həmişə “hə” deməyə çağırıb./publika.az