BAKI, 22 avqust. TELEQRAF
2025-ci ilin I yarımili ərzində respublika ərazisində ümumilikdə 9294 təbii və texnogen mənşəli hadisə baş verib.
Teleqraf xəbər verir ki, bu barədə Fövqəladə Hallar Nazirliyi məlumat yayıb.
Bu, 2024-cü ilin müvafiq dövrü ilə müqayisədə 2244 hadisə və ya 39% çoxdur. Baş vermiş təbii və texnogen mənşəli hadisələr nəticəsində 36 nəfər həlak olmuş, 132 nəfər xəsarət alıb. Nazirliyin xilasediciləri tərəfindən 30 nəfər xilas edilmiş, 395 nəfər təxliyə olub.
