Finss.az xəbər verir ki, Yaponiyanın Sony korporasiyası avqustun 21-dən ABŞ-da PlayStation 5 oyun konsolunun tövsiyə olunan pərakəndə satış qiymətini artırdığını açıqlayıb.
"Bir çox qlobal şirkətlər kimi, biz də çətin iqtisadi şəraitdə fəaliyyətimizi davam etdiririk", - şirkətin öz bloqunda dərc olunan bəyanatında deyilir. "Nəticədə, 21 avqustdan etibarən ABŞ-da PlayStation 5 konsollarının tövsiyə olunan pərakəndə satış qiymətini artırmaq üçün çətin qərar verdik."
Xüsusilə, adi PlayStation 5-in qiyməti 500 dollardan 550 dollara yüksələcək. Konsolun rəqəmsal versiyasının qiyməti 500 dollar, PS5 Pro-nun qiyməti 750 dollar olacaq.
Amerika bazarında PS5 aksesuarları üçün tövsiyə olunan pərakəndə satış qiymətləri eyni olaraq qalır.
“Biz digər bazarlar üçün qiymət dəyişikliyi etmirik”, - deyə məlumatda bildirilir.
