Avstriyalı tramplinçi Sara Marita Kramer 23 yaşında karyerasını bitirmək qərarına gəlib.
Publika.az xəbər verir ki, o, bunu şəxsi sosial şəbəkə hesablarında açıqlayıb.
“Karyeramı bitirmək asan qərar deyil, amma mənim üçün doğru addımdır”, – deyə Kramer yazıb.
İdmançı 2021/22 mövsümündə Ümumi Dünya Kubokunun qalibi olub. O, Olimpiya “qızılı” arzusunu gerçəkləşdirmək istəyirdi, lakin 2022-ci ildə Pekin Oyunlarını koronavirusa yoluxduqdan sonra vaxtında Çinə gedə bilmədiyi üçün buraxmalı olub.
“Etiraf edim ki, 2022-ci ildə şansımı qaçıranda bu, düşündüyümdən daha ağır zərbə oldu. Davam etdim, çünki borclu olduğumu hiss edirdim. Çünki hekayəmi bitirmək istəyirdim”, – deyə Kramer əlavə edib.
