Hazırkı prezident Vladimir Zelenski Ukraynadakı seçkilərdə qalib gəlmək üçün ən böyük şansı özündə saxlayır.
Musavat.com RBC-Ukrayna –ya istinadən xəbər verir ki, bu günlərdə Ukraynada keçirilən sorğu maraqlı nəticələr ortaya çıxarıb. Beynəlxalq Respublikaçılar İnstitutunun (İRİ) Təhlil və Sosial Araşdırmalar Mərkəzinin sifarişi ilə “Reytinq” sosioloji qrupunun keçirdiyi sorğunun nəticələrinə əsasən Ali Radaya seçkilər potensial olaraq gözlənilməz nəticə göstərə bilər.
Respondentlərə “Əgər bu bazar günü prezident seçkiləri keçirilsəydi, hansı namizədə səs verərdiniz?” sualı verilib. Cavablar aşağıdakı kimi paylanıb:
Vladimir Zelenski - 31%
Valeriy Zalujnı - 25%
Petro Poroşenko - 6%
Kiril Budanov - 5%.
Maraqlıdır ki, qərb bölgələrində Zelenski və Zalujnının reytinqləri təxminən eynidir. 50+ yaş qrupunda isə Ukrayna Silahlı Qüvvələrinin keçmiş baş komandanına dəstək bir qədər yüksəkdir.
“Bu bazar günü parlament seçkiləri keçirilsəydi, hansı partiyaya səs verərdiniz?” sualına respondentlərdən hipotetik tərəfləri nəzərə alaraq cavab vermələri istənilib. Simpatiyalar aşağıdakı kimi paylanıb:
"Zalujnıy Partiyası" - 22%
"Zelenski Bloku" - 14%
"Azov Partiyası" - 8%
"Avropa Həmrəyliyi" - 8%.
