Cəlali: "Rusiyadan qaz gözləyirik"

Bu sözləri İranın Rusiyadakı səfiri Kazım Cəlali "TASS" dövlət xəbər agentliyinəmüsahibəsindədilə gətirib. O söyləyib ki, bu məsələ üzrə hazırda "Qazprom" şirkəti ilə danışıqlar aparılır.

"Təqribən bütün məsələlər öz həllini tapıb. Qazın qiyməti barədə də ortaq məxrəcə gəlsək, əməli işə başlanacaq",– səfir söyləyib.

Məlumat üçün bildirək ki, Rusiyanın energetika naziri Sergey Tsivilyev Rusiya qazının mövcud infrastruktur vasitəsilə İrana nəqlinin 2025-ci ildə başlaya biləcəyini demişdi. Bu çərçivədə ildə 1,8 milyard kubmetr qaz satışı nəzərdə tutulur.

Firudin Həmidli
AzVision.az