Lizinq və lombard məhsulları təklif edən "Kredit Evi" ASC 2024-cü ili 2 milyon 892 min manat xalis mənfəət ilə bağlayıb. Şirkət 2023-cü ili 1 milyon 518 min manat xalis mənfəət ilə bağlamışdı. Beləliklə, 2024-cü ildə 2023-cü illə müqayisədə "Kredit Evi"nin xalis mənfəəti 1 milyon 374 min manat və ya 90,5% artıb.
Marja.az şirkətin illik hesabatına istinadən xəbər verir ki, "Kredit Evi"nin faiz gəlirləri 2023-cü idlə 11 milyon 443 min manat ikən, 2024-cü ildə 14 milyon 953 min manata yüksəlib (3 milyon 510 min manat və ya 30,7% artıb). Ötən il Şirkətin faiz xərcləri isə 1 milyon manat və ya 24,7% artaraq 5 milyon 41 min manata təşkil edib.
Ötən il "Kredit Evi" kredit portfeli (müştərilərə verilmiş cəmi kreditlər) 12 milyon 977 min manat və ya 51% (1,5 dəfə) artaraq 31 dekabr 2024-cü il tarixində 38 milyon 420 min manata çatıb.
31 dekabr 2024-cü il tarixində "Kredit Evi" ASC 45 milyon 483 min manat cəmi aktivlərə malik olub. Şirkət 2023-cü ilin sonunda 31 milyon 232 min manat cəmi aktivlərə malik idi.
Qeyd edək ki, "Kredit Evi" ASC-nin səhmdarları Səbuhi Əzizov (50%) və Kazım Hüseynovdur (50%).
