BAKI, 25 avqust. TELEQRAF
“ABŞ Prezidenti Donald Tramp Ukraynanın Rusiyaya zərbə endirmək üçün uzaqmənzilli raketlərdən istifadəsinə qoyulan qadağanı ləğv etməyə hazırlaşır”.
Teleqraf xəbər verir ki, bunu respublikaçı senator Lindsi Qrem deyib.
“Tramp hücum hərəkətləri həyata keçirmək və daha ciddi ziyan vurmaq üçün Rusiyaya qarşı uzaqmənzilli raket buraxılışlarına dair ABŞ-nin əvvəlki məhdudiyyətlərini ləğv etməyə hazırlaşır”, - siyasətçi bildirib.
Senatorun fikrincə, belə bir təzyiq Rusiya və Ukrayna arasında sülh prosesini sürətləndirmək üçün lazımdır. Qrem həmçinin bəyan edib ki, gələn ay Rusiyanı terrorizmin himayədarı elan edən qanun layihəsini təqdim etmək niyyətindədir.
