futbolpress-az saytından alınan məlumata görə, ain.az bildirir.
“Kəpəz”in futbolçusu Məqsəd İsayevin “Futbolpress.az”a müsahibəsi:
– 2 oyun, 2 məğlubiyyət. Nəticələri necə şərh edərdiniz?
– Komandanın formalaşmasında gecikdik. Sonradan kollektivə qoşulanlar oldu və uyğunlaşma problemi yaşayırıq. İnanıram ki, qaydasına düşəcək.
– “Karvan-Yevlax” liqaya yeni çıxıb və xal qazanmalı olduğunuz rəqiblərdən idi. Ancaq yenə uduzdunuz. Xal və ya xallar qazanmaq üçün nə çatmadı?
– Ola bilər ki, hardasa istədiklərimizi həyata keçirə bilmirik. Məncə, bunda özünəinamın da rolu var. Lakin inanıram ki, xallar yığacağıq. Çətinliyimiz var, amma düzələcək.
– Yay fasiləsində “Kəpəz”ə qoşulanlardansınız. I turun “Sumqayıt”la oyununun fasiləsində əvəzləndiniz, II turda isə “Karvan-Yevlax”a qol vurdunuz…
– Hələ tam formada deyiləm. Uyğunlaşmağımda bir az problem var və o da yavaş-yavaş düzələcək. Çalışıram ki, ən yaxşısını edim.
– Uğursuz nəticələr fonunda azarkeşlərin ciddi narazılığı var. Təzyiqlər sizdə əlavə basqı yaratmır?
– Normal haldır. İki turdur uduzuruq və azarkeşlər narazılıq etməkdə haqlıdır. Bunların öhdəsindən gəlməliyik. Hamımız bir olub, vəziyyətdən çıxacağıq, buna inanıram. Sadəcə özümüzə inamı artırmalıyıq.
– “Kəpəz”də son illər eyni tendensiya var: mövsümün əvvəli məğlubiyyətlər, sonra baş məşqçi dəyişikliyi və yekunda elitada qalmaq. Bu dəfə gedişatı dəyişə biləcəksiz?
– Belə olmasını istəmərik. Yolumuza davam etməliyik və nəticələri düzəltməliyik.
– Komandanın potensialı hansı yerlərə oynamağa ümid verir?
– Yaxşı heyətimiz var. Özümüzə inam olandan sonra nəticələr də yaxşı olacaq. Sadəcə bir qələbəyə ehtiyacımız var.
Şahin Cəfərov
Hadisənin gedişatını izləmək üçün ain.az saytında ən son yeniliklərə baxın.
