Azərbaycanda ilin əvvəlinə qədər 14 min 5 nəfər tədqiqatçı qeydə alınıb.
"Report" xəbər verir ki, bu barədə “Azərbaycanda təhsil, elm və mədəniyyət" adlı statistik məcmuədə bildirilib.
Bildirilib ki, onlardan 1687-si elmlər, 5722 nəfəri isə fəlsəfə doktorudur.
Məlumatda həmçinin qeyd edilib ki, onlardan 8625 nəfəri qadın tədqiqatçılardır.
Tədqiqat aparılan elmin sahələri içərisində ən çox yeri təbiət elmləri tutub (3729 nəfər). Ən az yeri isə kənd təsərrüfatı sahəsi tutub (796 nəfər).
